FESTIVAL DE NADAL.

Este xoves 21 de decembro celebramos un ano máis o festival de Nadal. Comezamos este marabilloso día coa visita de Inmaculada, gran traballadora que dedica moito tempo e cariño ao nosos amigos máis peludiños, desde a protectora de animais APADAN. Como cada ano, quixemos axudar cun mercadiño solidario, onde os nenos e nenas crearon infinitas manualidades como adornos navideños, colgadores para as chaves e moitas cousas máis. Tivemos a sorte de contar tamén co material proporcionado por APADAN, como calendarios, camisetas, chapas, ... Grazas a este traballo e á colaboración das familias e profesorado conseguimos, ao mercar tantos agasallos, recaudar 823,60€, destinados íntegramente a APADAN. Esperamos que estos animaliños pasen unhas mellores festas de Nadal e dende o CPIP Virxe da Cela, animámosvos a adoptar.

Sen máis dilación, xa tedes aquí todas as actuacións para que poidades velas de novo con máis tranquilidade e para todas esas persoas que non puideron asistir. Esperamos que vos guste o noso traballo que foi feito con moito cariño e esforzo. Gozade vendo os fabulosos bailes, as marabillosas obras de teatro e as fantásticas panxoliñas, tanto coma nós gozamos facéndoas. 

1. VÍDEO PRESENTACIÓN. 

2. BAILE EDUCACIÓN INFANTIL - PESADELO ANTES DE NADAL. (BAILE) 

3. 1º EDUCACIÓN PRIMARIA - RUDOLF O RENO. (BAILE) 

4. 4º EDUCACIÓN PRIMARIA - LOTERÍA DE NADAL. (OBRA DE TEATRO) 

5. 2º EDUCACIÓN SECUNDARIA - ARTURO EN NADAL. (BAILE) 

6. 3º EDUCACIÓN PRIMARIA - CRÓNICAS DE NADAL. (BAILE) 

7. 1º + 2º EDUCACIÓN PRIMARIA - PAÍS DA FANTASÍA (PANXOLIÑA) 

8. 5º EDUCACIÓN PRIMARIA - O GRINCH. (BAILE) 

9. 2º EDUCACIÓN PRIMARIA - O ELFO. (BAILE) 

10. 6º EDUCACIÓN PRIMARIA - FOGARES DE NADAL. (OBRA DE TEATRO) 

 11. 1º EDUCACIÓN SECUNDARIA - FROZEN. (BAILE) 

 12. 4º EDUCACIÓN PRIMARIA - REIS VS SANTA.(BAILE) 

 13. 3º EDUCACIÓN PRIMARIA - NOITEBOA PANAMEÑA. (PANXOLIÑA) 

 14. 3º + 4º EDUCACIÓN SECUNDARIA - SÓ EN CASA. (BAILE) 

 15. 6º EDUCACIÓN PRIMARIA - CONTO DE NADAL. (BAILE) 

Ademais destas incribles actuacións, fixemos un concurso de imaxes de Nadal onde todo o alumnado recibiu un diploma por participar, xa que fixeron un traballo moi bonito. Pero a clase gañadora deste ano foi: 4º Educación Infantil!!! Parabéns ao alumnado e a súa mestre. Queredes ver estas obras de arte?

   

 E xa por último, rematamos este magnífico festival coa chegada das nosas Maxestades os Reis Magos. Lembrade: Hai que portarse ben que Papá Noel mais Eles están a botar unha ollada a todo o que facemos.

OBRADOIRO O MAR.

 Sara Carrasco e Silvia Iglesias. Cooperativa 13 grados. Mércores 20 de decembro 2023, ás 13:00. Alumnado de 3º EP

IV Festival Escolar do Camiño Inglés.

 Esta semana o noso alumnado de Educación Primaria foi convidado ao IV Festival Escolar do Camiño Inglés, que ten como base a promoción do Camiño Inglés entre os máis novos e, ademais, busca que se vaian coñecendo as diferentes localidades polas que transcurre.

Neste caso o noso alumnado desfrutou dunha obra de teatro na que Ignatius, un peregrino algo perdido, que coa axuda dunha meiga foi percorrendo e coñecendo Ferrol, así como as súas costumes, festas, patrimonio... Dende as Meninas de Canido, o propio Racing ou o arroz con leite (postre co que fomos posteriormente agasallados). 

CHEGA O NADAL

 

EDUCAR EN POSITIVO

 Unha ducia de familias participaron na charla "Educar en Positivo", que tivo lugar o martes 28 de novembro de 2023 de 16:00 a 18:30 na aula de Usos Múltiples do CPI Plurilingüe Virxe da Cela. É de vital importancia que familias e escola vaian da man no difícil camiño da educación, por iso esta actividade, promovida pola Fundación Ayuda en Acción e a ANPA do CPI Virxe da Cela,  pode ser un elemento clave que repercutirá sen dúbida nos nenos e nenas. Para facilitar a participación das familias, a Fundación Ayuda en Acción ofertou un servizo de ludoteca para que os nenos/as se iniciaran na globoflexia e potenciaran as súas capacidades creativas a través de debuxos.

A psicóloga e psicoterapeuta Medalith Falcón, especializada en dificultades de regulación emocional, foi a encargada de impartir esta charla, desde un enfoque de natureza integradora, tratando de guiar ás familias cara á comprensión e as xestión das dificultades desde a amabilidade e a resiliencia, e promovendo  un proceso de autodescubrimento baseado na confianza e na empatía. Esta charla, xunto con outras dúas charlas máis planificadas para o segundo e o terceiro trimestre,  conformarán un ciclo formativo a desenvolver durante este curso académico 2023-2024.

BIBLIOTECA DE AULA.

 A nosa biblioteca de aula funciona moi ben. María e Martín son dous superlectores que xa conseguiron o seu Trofeo e o seu Premio ao rematar o Caderno Lector que consta de dez fichas, unha por cada libro lido. Noraboa campeóns!!! Aos demais moito ánimo! Xa vos falta pouco.

25-N

Dende o centro queremos homenaxear este día tendo en conta a óptica do bo trato. Para iso, unha alumna de cada clase foi retratada e o grupo foi o encargado de reflexionar e facer unha posta en común sobre isto.

Por último, o fío negro representa unha unión como comunidade e onde todos e todas seguindo o bo trato acadaremos unha sociedade mellor.

SEMENTEIRAS.

Onte tivemos no centro a actividade PAISAXES BIBLIOGRÁFICAS  deseñada para favorecer o gusto pola lectura e dar valor a súa relación co medio natural.

Desta forma, a  través dunha selección de títulos de literatura infantil e xuvenil especialmente pensados con esta fin  e relacionados co noso territorio descubrimos novas formas de ver o mundo, a través das metáforas, dos recursos poéticos, da ilustración, da identificación coas personaxes e os mundos que a habitan.

A actividade tivo lugar na biblioteca e a persoa que  a realiza á actividade, Sonia Hermida,  Al otro lado Asociación de familias lectoras empregou  material de refugallo (folios xa usados, anacos de papel, botóns, cartón, chapas, cordeis, lazos, envoltorios de paquetes...) e tamén, elementos naturais da nosa contorna recollidos nun paseo que se realizou en familia polo alumnado de 3º e 4º curso, destinatarios da actividade. 

 Sementeira, Proxecto Terra. 

                                                       

CONSELLO DA INFANCIA NO CPI VIRXE DA CELA.

 Mércores 8 de novembro 2023. Euroeume. Nerea Allegue e Nuria Fernández, educadoras sociais de Euroeme. 2 alumnos/as representantes de cada curso de educación primaria. Turnos rotativos. Elección de presidente/a e secretario/a. Acta. 

Nerea e Nuria, amosaron a súa satisfacción co compromiso e participación das e dos representantes do I Consello Escolar da Infancia. Neste primeiro consello decidiuse de que modo traballaremos nos seguintes consellos, dando resposta ás necesidades recollidas días atrás. Ambas están moi contentas por terse creado este espazo, onde a infancia do cole poida expresarse, e ser escoitada e tida en conta. Esperando que poida servir de axuda para concienciar ás nenas e nenos da importancia das súas voces, así como a súa implicación na mellora do seu cole".

PROGRAMA COIDANDO-NÓS-1 by veracruces on Scribd

SAMAÍN - MAGOSTO

 Martes 31 outubro 2023.

Entrega de premios Concurso Decoración de Portas. Degustación de castañas cocidas.

Ás 15:30 todo alumnado come castañas para celebrar o Magosto e tamén se entregan os diplomas polo concurso de decoración de portas do Samaín e pola participación na exposición de cabazas.

*Educación Infantil: cada curso levou un diploma por participar.

*Educación primaria

- 1ºporta gañadora EP.

- 2º porta máis famtasmagórica

- 3º porta máis aterradora

- 4º porta máis maléfica

- 5º porta máis orixinal

- 6 porta máis espeluznante

*ESO: 4º porta gañadora ESO.

En 3º de Primaria

Mago Martín. EI e EP. Galego e inglés. Ás 13 horas houbo  un espectáculo, realizado polo ilusionista Martín Varela, para o alumnado das etapas de infantil e primaria no pavillón.

DÍA DO DEPORTE.

 O 29 de setembro é o día do deporte escolar e como cada ano celebrámolo con moita actividade física, non so nese día, senón na semana que vai do luns 25 ao venres 29. Durante todos os días, a principio e a final de cada clase, o alumnado realizou exercicios físicos de maneira voluntaria. O xoves 28 organizouse unha xornada especial na que de 10:00 a 14:00 horas todo o alumnado e profesorado do centro participou nun evento deportivo a base de estacións rotativas. 

VOLTA AO COLE.

 Benvidos e benvidas a este novo curso escolar 2.023-2.024 en 3º de Educación Primaria que arranca hoxe. Imos aló!!! Mirade que alumnado tan guapo teño.

FIN DE CURSO.

Festa e xogos de Fin de Curso.

Quérovos peques .Feliz verán.

XORNADA DE CONVIVENCIA.

 O alumnado de 1º e 2º de EP disfrutou hoxe, dunha xornada de convivencia no CEIP Maciñeira na que se coñeceron en persoa despois do intercambio postal realizado durante o curso escolar.

VISITA A SOTAVENTO.

 O alumnado de 1º, 2º e 3º de Educación Primaria do CPI Plurilingüe Virxe da Cela visitou hoxe as instalacións do Parque Eólico Sotavento, no concello de Xermade.