ÉRASE UNHA VEZ... 5º DE PRIMARIA.

Benvid@s a 5º de Primaria!

 Comezamos unha nova aventura!

Abrimos a porta da aula para encontrarnos, compartir, aprender e disfrutar xuntos.

Preparados, listos... comezamos!

Feliz curso 2.026 - 2.027!

FINAL DE CURSO.

 Meus queridos alumn@s:

O día 19 de xuño rematamos unha etapa chea de aprendizaxes, esforzos e momentos compartidos.

Parabéns polos vosos logros! Agora descansade, xogade e desfrutade das vosas familias e das vacacións.

Hoxe, eu tamén remato curso, co corazón cheo de historias, sorrisos e cariño, recordándovos e pensando que, sen vós sabelo, cambiastedes un cachiño da miña vida.

Vémonos en setembro!!!

PERSOAS QUE TECEN HISTORIAS.

 O alumnado de 4º de Educación Primaria investigou para elaborar biografías de persoas relevantes no ámbito do deseño, pintura, costura... nas que aparecen tamén a bandeira do seu país e a súa localización no mapamundi. As biografías forman este mural que demostra como a arte de coser, pintar, deseñar... conecta a persoas de todo o mundo e de distintas épocas.

VISITA AO CASTRO DE VILADONGA.

 No día de hoxe o alumnado de 3º e 4º de EP realizou unha saída ao Castro de Viladonga, onde tiveron a oportunidade de participar nunha visita guiada polo museo e polo castro. Tamén realizaron un obradoiro de técnicas para facer lume.

50 ANIVERSARIO

MAIOS E LETRAS GALEGAS.

Hoxe foi un día moi especial no CPI Virxe da Cela. Letras, música e tradición da nosa terra, nunha festa popular ao aire libre. Alumnado das diferentes etapas educativas xuntámonos no exterior, nunha sesión vermú a base de empanada, tortilla e moita auga para combatir as altas temperaturas. Non faltou a música, o baile, e a literatura. Cultura enxebre a golpe de calor tropical. Contamos con Richi Casás como pregoeiro desta celebración, e numerosas persoas convidadas achegáronse a presentar a figura de Begoña Camaño, así como a amenizar con música a xornada.

Un escenario de luxo, decorado especialmente para a ocasión: unha fermosa alfobra floral, típica dos Maios, que homenaxeaba á vez ao CPI Virxe da Cela no seu 50 aniversario. Parabéns a este centro do rural por ter sobrevivido por cinco décadas ás ameazas da despoboación. Ogallá que sigades camiñando outros moitos anos. 

Os Maios, xunto coas Letras Galegas, foron o outro fío conductor da celebración. Todas as clases pasaron polo escenario regalando ao público a súa arte no recitado de coplas, as danzas colectivas e os cantares populares.

Colorida alfombra floral con motivos de homenaxe ao 50 Aniversario do CPI Virxe da Cela

Richi Casás, dando o pregón e transmitindo o legado 

de Rosa e Adolfina Casás, homenaxeadas nas letras Galegas 2025 a Begoña Camaño. 

Xantar popular a base de empanada e tortilla

Alumnado de 4ª EI e 5º EP recitando coplas do Maio

Alumnado de 5º EI recitando coplas

Alumnado de 4º EP cantando A Saia de Carolina, acompañamento frautas e acordeón

6º EP cantando coplas "Celebramos este maio no colexio do Xestal"

Danza de Fitas 1º EP, ao son da Muiñeira de Chantada

2º EP cantando coplas de Maio "Chega a Primavera"

Alumnado de 6º EI e 6º EP bailando "Tataravoa" co acompañamento das pandereiteiras

Danza de Fitas 2º EP ao son da Muiñeira da Grelada, acompados por gaitas e pandeiretas

Músicos do Grupo de Folclore Virxe da Cela

Danza das Fitas 2º ESO

Grupo de pandereiteiras do CPI Virxe da Cela

Músicos convidados. De esquerda a dereita:

Alberto Barreiro "Warren", Dani Vidal, Mónica Maceiras, Lucía Vázquez e Cristina Sánchez

Fin de festa. De esquerda a dereita: 

Niko (auxiliar conversa), Lucía Vázquez, Dani Vidal, Mónica Maceiras, Alberto Barreiro "Warren ", Cristina Sánchez (músicos convidados),  Ismael e Álvaro (mestres en prácticas) e  Richi  Casás (pregoeiro).