SESIÓN DE CONTACONTOS PARA CONMEMORAR O DÍA INTRENACIONAL DOS DEREITOS DA INFANCIA.

 Sesión de contacontos para o alumnado de 1º a 4º de primaria a cargo dos rapaces e rapazas de 3º de ESO. O alumnado da ESO a través do conto “Na procura dun mundo marabilloso”, narrou a historia dun grupiño de nenos e nenas liderados por Liberdade que se embarcan nunha viaxe por un camiño longo e verde na procura dun mundo mais humano e mellor.

 O alumnado da ESO explicoulles aos máis pequenos/as o porqué da celebración desta data tan importante e amosoulles a importancia de respectar en todo o mundo os Dereitos dos Nenos e as Nenas.

 Finalizaron cun simpático xogo de pasapalabra rematando a sesión cun pequeno agasallo realizado polo alumnado da ESO para todos os asistentes.

 

 

Na Procura Dun Mundo Marabi... by yolick20003194

DÍA INTERNACIONAL DA ELIMINACIÓN DA VIOLENCIA CONTRA AS MULLERES.

 Un ano máis celebramos o 25N, Día contra a Violencia de Xénero. Entre todo o alumnado do centro creamos un mural co lema  "Abre as túas ás e voa".

OBRADOIRO SOBRE ACCESIBILIDADE PARA UN CENTRO INCLUSIVO.

 Beatriz Riaño, terapeuta ocupacional, visitou o noso centro o venres 15 de novembro de 2024 para impartir obradoiros sobre accesibilidade. Foron realizados en tres quendas ao longo do día: dúas quendas para 1º ciclo de EP e 2º ciclo de EP no horario de mañá, e xa pola tarde a quenda do alumnado de educación infantil. 

Esta actividade realízase grazas á colaboración con Euroeume que se vén realizando no noso centro desde fai varios anos. A proposta de EuroEume é crear un espazo lúdico de expresión e reflexión sobre a Educación Inclusiva, co fin de sensibilizar aos alumnado da importancia e os beneficios de que todos os nenos e as nenas aprendan xuntos, independentemente das súas condicións persoais, sociais ou culturais.

Partimos da necesidade de ofrecer un centros educativo comprensible, capaz de proporcionar contornas e espazos onde as persoas os comprendan dunha maneira fácil, segura e autónoma o que facilitará que toda a comunidade coñeza e comprendan os múltiples elementos cos que conta o centro desde un punto de vista accesible.

Imaxes da actividade.

MAGOSTO - SAMAÍN

 Este ano festexamos o Samaín con 5 obradoiros simultáneos, nos que o alumnado de secundaria participou como monitores. Os obradoiros foron: creación de contos terroríficos, creación de máscaras, decoración de cabazas, elaboración de colares de castañas e un específico de inglés.

ACOMPAÑAMENTOS NA BIBLIOTECA DO COLE.

 Un día á semana na hora de ler, os nenos e nenas de EI e EP acudirán á biblioteca a ler en parellas. Os luns tócalles a quenda ao alumnado de 3º de EP e 4º de EI. Velaí van unhas imaxes destes momentos tan especiais.

OBRADOIRO DE RECOLLIDA SELECTIVA CON SOGAMA.

 A finalidade desta actividade é aprender a realizar unha recollida selectiva dos residuos xerados no centro coa finalidade de xerar unha conciencia ecosocial das nosas responsabilidades persoais. Para isto contamos coa colaboración de Sogama que é encargada de impartir os tres obradoiros nos que participou o alumnado da etapa da Ed. Primaria. 

A idea é que os contedores de separación do lixo cos que contamos no centro sexan aproveitados adecuadamente. Ademais, este curso queremos darlle pulo á compostaxe para que a horta escolar non careza dos nutrientes necesarios para que a mesma creza esplendorosa.  

Desta forma, Cristina a monitora da actividade, acompañounos durante toda esta xornada escolar.

Moitas grazas!!!!

    Imaxe autoeditada do obradoiro realizado co 2º ciclo da etapa.

                                    Imaxe autoeditada do obradoiro realizado co 3º ciclo da etapa.

                                            

                                   Imaxe autoeditada do obradoiro realizado co 1º ciclo da etapa.

DÍA DO DEPORTE.

 

VOLTA AO COLE!

 Benvid@s a este novo curso: familias, profesorado e alumnado, especialmente ao meu de 3º EP. Que riquiños!!!Deséxovos moito ánimo, moita ilusión e que disfrutedes do curso.

FIN DE CURSO.

 Hoxe EI e EP celebramos unha xornada de xogos tradicionais no patio exterior para finalizar este curso.

E tamén vos deixo aquí a foto de grupo de 3º EP deste curso 2023-2024. Bo verán para todos e todas e ata o próximo curso.Vémonos en setembro amiguiños.