O día 2 de xuño o alumnado de Educación Infantil e o 1º, 2º e 3º curso de Educación Primaria puideron desfrutar dun contacontos ilustrado baseado no libro Cantareiras. A poesía popular nas Letras Galegas 2025.
Como sabemos, este ano a Real Academia Galega decidiu homenaxear ás cantareiras, mulleres que a través do canto e das pandeiretas foron transmitindo de xeración en xeración a nosa lingua e cultura.
Para a realización desta actividade contamos con:
- Quique, de Polo Correo do Vento, que foi o encargado de contarnos a historia.
- Tania Solla, a ilustradora.
- Patricia Faro, a encargada de cantar e tocar diferentes instrumentos como a pandeireta, botella de anís...
O obradoiro finalizou coa realización dun debuxo guiado dunha cantareira.
Desta forma o alumnado puido recoñecer o valor da muller na cultura galega.
Ningún comentario:
Publicar un comentario